Saghar siddiqui
Bhooli hoi sada hun mujhey yad kijiye,
Tum sey kahien mila hun mujhey yad kijiye..
--------------------------------------------------------------------------------------------
Utha kar choom li hain chand murjhayi huyi kaliyan,
Na tum aye tou yoon jashn-e-baharan karliya mene..
...................................................................................................................
Ataa Jisay Tera Aks-e-Jamaal Hota Hai
Wo Phool Saaray Gulistaan Ka Laal Hota Hai
Raah-e-Majaaz Mein Hain Manzilain Haqeeqat Ki
Magar Ye Ahl-e-Nazar Ka Khayaal Hota Hai
Talaash Karti Hai Saaye Tumhaare Aanchal Ke
Chaman Mein Baad-e-Sabaa Ka Ye Haal Hota Hai
Bahaar-e-Fitrat Sayyaad Ki Kahani Hai
Ke Iske Dosh Pe Phoolon Ka Jaal Hota Hai
Ye Waardaat Bhee Ab Dil Pe Roz Hoti Hai
Musarraton Mein Bhee Ham Ko Malaal Hota Hai
Ye Bikhray Bikhray Se Gesu, Thaki Thaki Aankhain
Ke Jaisay Koi Gulistaan Nidhaal Hota Hai
Jawaab De Na Sakay Jis Ka Do Jahaan “Saghar”
Kisi Ghareeb Ke Dil Ka Sawaal Hota Hai
______________________________________________________________
Yaad aa ke reh gaye hain zamane wafaon ke,
Sholay jala ke chal diye jhonkay wafaon ke,
Har ik qadam par talkhii doraa’n ki dhoop thi,
They hum bhi us gali mein talabgar chaaon ke,
Karte rahe jo chand sitaaron ki rehbri,
Kuch log muntazir hain unhi rehnumaaon ke,
Har zehen mein parre hain teri zulf ke bhanwar,
Har dil ki sarzamee’n mein nishaan tere paaon ke,
Be’chaargi zeest ka daaman na bhar saka,
Hum ne lutaa diye hain khazaney dua’on ke,
Tajdeed-e-zoq Saghir-o-meena ki baat kar,
Badle huye rang-e-chaman ki fizaaon ke..
------------------------------------------------------------------------------------------------------------------------
Wo Bulaayein to kya Tamasha ho
Hum na Jayein to kya Tamasha ho
Ye kinaro'n se Khelne wale
Doob Jayei'n to kia Tamasha ho
Banda Parvar jo hum pe Guzri hai
Hum batai'n to kya Tamasha ho
Aaj Hum bhi teri Wafao'n per
Muskrai'n To kya Tamasha ho
Teri Surat jo Itefaq se hum
Bhool Jayei'n to kya Tamasha ho
Wakt ki Chand Saa'ate'n Saghar
Laut Ayei'n to kya Tamasha ho...
--------------------------------------------------------------------------------------------------------
Mahfilain Lut Gayen Jazbat Ne Dam Tor Dia
Saaz Khamosh Hain Naghmaat Ne Dam Tor Dia
Har Mussarat Gham-e- Deeroze Ka Unwaan Bani
Waqt Ki God Main Lamhaat Ne Dam Tor Dia
An Gint Mahfilain Mahroom Charaghan Hai Abhi
Kon Kahta Hai Ke Zulmaat Ne Dam Tor Dia
Aaj Phir Bujh Gaye Jal Jal Ke Umeedon Ke Charagh
Aaj Phir Taaron Bhari Raat Ne Dam Tor Dia
Jin Se Afsana -e -Hasti Mai Tasalsul Tha Kabhi
In Mohabbat Ki Rawayaat Ne Dam Tor Dia
Jhilmilatay Huay Ashkon Ki Lari Toot Gayi
Jagmagati Huyi Barsaat Ne Dam Tor Dia
Haaay Aadab-e- Mohabbat Ke Takazay Saghir
Lab Hilay Aur Shikayaat Ne Dam Tor Dia
Aaj Roothay Huay Sajan Ko Bohat Yaad Kiya
Apnay Ujray Huay Gulshan Ko Bohat Yaad Kiya
Jab Kabhi Gardish-e- Taqdeer Ne Ghera Hai Hamain
Gaisua-e- Yaar Ki Uljhan Ko Bohat Yaad Kiya
Shama Ki Jot Pe Jaltay Huay Parwanon Ne
Ik Tere Shola Daman Ko Bohat Yaad Kiya
Jis Ke Mathay Pe Nayee Subah Ka Jhoomar Hoga
Hum Ne Uss Waqt Ki Dulhan Ko Bohat Yaad Kiya
Aaj Tootay Huay Sapnon Ki Bohat Yaad Aayee
Aaj Beetay Huay Sawan Ko Bohat Yaad Kiya
Hum Sar-e- Tor Bhi Mayoos-e- Tajalli Hi Rahay
Is Dar-e- Yaar Ki Chilman Ko Bohat Yaad Kiya
Mutmayeen Ho Hi Gaye Dam-o- Qafas Main Saghar
Hum Aseeron Ne Nasheman Ko Bohat Yaad Kiya
puuchaa kisii ne haal kisii kaa to ro diye
paanii meN aks chaaNd kaa dekhaa to ro diye
naGhmaa kisii ne saaz par chheRaa to ro diye
Ghunchaa kisii ne shaaKh se toRaa to ro diye
uRtaa hu’aa Ghubaar sar-e-raah dekh kar
anjaam ham ne ishq kaa sochaa to ro diye
baadal fizaa meN aap kii tasviir ban gaye
saayaa ko’ii Khayaal se guzraa to ro diye
rang-e-shafaq se aag shiGhuufoN meN lag gayii
“Saghar” hamaare haath se chhalkaa to ro diye
Nazar Kisi Ki Nazar Se Nahi Ulajhti Thi
Wo Din Bhi The KE Yoonhi Zindagi Guzarti Thi
Sitaray Apnay Liye Khawahishon Ki Manzil Thay
Haseen Raat Hamain Chandni Pilaati Thi
Rahay Thay Apni Hawaon Mai Aik Umar Magar
Bikhar Pare To Har Ik Gaam Apni Hasti Thi
Yehi Bohat Tha Ke Kuch Log Aakay Kahte Thay
Wo Mera Zikar Bohat Mukhlisaana Karti Thi
Nazar Mai Pyar Bhi Tha Aur Takalufaat Bhi Thay
Kaha Karainge Kabhi Ham, Ajeeb Larki Thi
Khamosh Rahti Thin Gehre Samandaron Ki Tarah
Wo Aankhen Jin Se Nari Shayari Bikharti Thi
Usay Milay To Is Bat Ka Suraagh Mila
Hamain Ye Zindagi Kyun Itni Pyari Lagti Thi
Naa Jaanay Kitne Hi Safhon Pe Dil Bikhera Magar
Naa Keh Sake To Woh Ik Baat Jo Kehni Thi
Mahak To Uss Ke Har Ik Payrhan Main Thi Lekin
Wo Ghar Ke Saada Se Kapron Main Khoob Lagti Thi
