Jeet uski hui aur mujhe maat hui

Yeh aur baat tere roo'baaru nahi guzra

mein jis azaab se guzra hoon tu nahi guzra

baat hi baat mein kya janiye kya baat hui

mujhe se na'khush meri taqdeer usi raat hui

dasht tha sehra tha tanhayi thi viraani thi

apne bhi apne nahi bas yahi hairaani thi

bewafayi thi musalsal jo mere sath hui

jeet uski hui aur mujhe maat hui maat hui

qarb tha jabr tha kuch doori thi majboori thi

ab adhuri hai muhabat jo kabhi poori thi

jab meri pyas barhi dard ki barsaat hui

jeet uski hui aur mujhe maat hui maat hui

tukre tukre mujhe hona tha bikhar jana tha

yeh ebadat bhi tau pathar se hi takrana tha

kitni ghayal teri chahat mein meri zaat hui

jeet uski hui aur mujhe maat hui maat hui

Read More at poetrypak.com