Tujh ko maloom hai kitni tujhe Izzat di hai

Tujh ko maloom hai kitni tujhe Izzat di hai,

Sari dunya se juda tujh ko Mohabbat di hai.

Aankh badlogay agar mujh se to mar jaengay,

Itni hassaas mujhe RAB ne Tabiyat di hai.

Chhorna chaaho jahan sath wahin ruk jana,

Dil na maany ga, magar me ne Ijazat di hai.

Teri aankhon ki qasam zindagi samjha hay tujhe,

Tujh ko kuch soch k sanson me Sharakat di hai..