Meri Gardishon Ke Wo Din Nahi

Meri Gardishon Ke Wo Din Nahi,
Mujhe Yaad UnKi Jafa Nahi,
Kabhi Mil Gaya To Khushi Hoi,
Jo Nahi MilaTo Gila Nahi,
Wohi Sorishain Hain Wohi Tarap,
Wohi Dard-o-Gham,Wohi Soz-e-Dil,
Yehi Zindagi Hai To Kiya Kahon,
Koi Is Se Barh Ke Saza Nahi,
Jo Naqab Rukh Se Utha Kabhi,
Kahan Mujh Mein Taab-e-Jamal Thi,
Pari Yak-Bayak Jo Nazar Meri,
Rahe Hosh Mere Baja Nahi,
Unhain Paa Ke Bhi Jo Na Paa Saka,
Yeh Mere Naseeb Ki Baat Thi,
Woh Hazar Mujh Se Juda Rahe,
Mere Dil Se Phir Bhi Juda Nahi,
Wohi Apni Tarz-e-Wafa Rahi,
Wohi UnKi Mashk-e-Jafa Rahi,
Woh Zulm Karte Hain Is Tarah,
Koi Jaise Mera Khuda Nahi.